«Հանրային իրազեկման և մոնիտորինգի կենտրոն» ՀԿ-ն իրականացնում է «Տավուշի մարզում զբոսաշրջության մասնակցային զարգացման խթանում» ծրագիրը՝ ուղղված Բերդ եւ Նոյեմբերյան խոշորացված համայնքներում զբոսաշրջության զարգացմանը:
Ծրագրի նպատակն այդ համայնքներում զբոսաշրջային ծառայությունների ակտիվացման խթանումն է՝ ինչպես համայնքների զբոսաշրջային արտադրանքի քարտեզագրման ու տեսանելիության բարձրացման նորարարական գործիքակազմի, հմտությունների փոխանցման, այնպես էլ՝ զբոսաշրջային արդյունք ստեղծողների և շահագրգիռ կազմակերպությունների միջեւ համագործակցային ցանցի ստեղծման և ամրապնդման միջոցով:
«Bears & Berries»
«Արջեր և հատապտուղներ»
_____________________________________________________________
Այս հրապարակմամբ ՀԻՄԿ-ը կպատմի Տավուշի մարզի Բերդ համայնքում գտնվող ՝ «Bears & Berries» էկոկենտրոնի և դրա մաս կազմող «Berd Berry», «Berd Bears» նախագծերի մասին:
Հիմնադիր՝ Անահիտ Բադալյան
Գործունեության շրջանակ՝ սոցիալան ձեռնարկություն՝ ուղղված Բերդի տարածաշրջանում էկոտուրիզմի զարգացմանը
Առանձնահատկություն՝ ձեռագործ արջուկների արտադրություն, տեղական հատապտուղներով, թեյաբույսերով պատրաստված ոչ ավանդական արտադրանք (ջեմեր, մուրաբաներ), ծառայությունների համալիր փաթեթ
Տեղադրություն՝ Տավուշի մարզ, ք.Բերդ, Դավիթ Անհաղթի 1
Հղում՝ www.bwrc.am
էլ.հասցե՝ bwrcfound@gmail.com
Հեռ.՝ +374-99051585
Մասնագիտությամբ լրագրող Անահիտ Բադալյանը Բերդ համայնքի կանանց աջակցելու և աշխատատեղեր ստեղծելու նպատակով շուրջ 9 տարի առաջ մի քանի կանանց հետ ստեղծել ու մինչ օրս ղեկավարում է «Բերդի կանաց ռեսուրս կենտրոն հիմնադրամը»: Դրա շրջանակում, որպես սոցիալական ձեռնարկություն, նախ ստեղծվել է «Berd Bears»-ը՝ ձեռագործ արջուկների արտադրությունը:
Այնուհետև, 2018 թ-ին ստեղծվել է՝ «Berd Berry»-ին:
Կանանց խմբերը զբաղվում են նաև վայրի հատապտուղների քաղով: Իսկ այժմ փորձարարություններ են անում՝ չորացված հատապտուղները միախառնելով թեյաբուսերին:
է, որ Անահիտ Բադալյանն ու թիմը ներդնեն նաև էկոտուրիստական նոր ուղղություններ և այցելուների հարմարավետությունն ապահովելու համար մշակեն ծառայությունների նոր փաթեթ:
Անահիտի խոսքով «Արջեր և հատապտուղներ» էկոկենտրոն-հյուրատան շինաշխատանքներն ավարտելուն պես այն կկարողանա տարեկան 600-700 զբոսաշրջիկ ընդունել: Այն մի հարկի տակ է կենտրոնացնելու նաև էկոկենտրոնի մաս կազմող մյուս բոլոր արտադրական ծառայությունները: Դրանով քաղաք այցելող հյուրերին հնարավորություն են ընձեռելու տեղում ծանոթանալու էկոարտադրությանը, սեփական ձեռքերով մասնակից դառնալ արտադրական տարատեսակ գործընթացներին, բացահայտել տեղի բնությունը, տեսարժան վայրերը, ինչպես նաև հաճելի ժամանց և հանգիստ անցկացնել:
_______________________________________________________________
- վայրի հատապտուղներ
- տեղական արտադրանք՝ առանց քիմիական հավելումների
- չորացված հատապտուղուղների և թեյաբուսերի (դաղձ, ուրց, նանա) համակցություն + այն ամենն ինչ աճում (աճեցվում) է Շամշադինում
- զբոսաշրջային և ժամանցային վերականգնողական ծառայություններ
- բերքահավաքի մասնակցություն
- վարպետաց դասեր
_____________________________________________________________________________
- շահույթի մի մասը ուղղվում է Բերդի կանանց վերարտադրողական առողջության պահպանմանը
- վայրի հատապտուղներից պատրաստված ջեմերն ու մուրաբաներն առանց շաքարի են կամ դրա նվազագույն պարունակությամբ, որոնք ունեն բուժական նշանակություն և ցուցված են դիաբետիկ հիվանդություն ունեցողներին
- հնարավորություն է տալիս օնլայն եղանակով պատվիրել տարատեսակ արտադրատեսակներ (Koriz բջջային հավելված)
- Էկոկենտրոնի 1500մ բարձրությունից երևում է Բերդի համայնապատկերը, Ցլիկ Ամրամի բերդը (10-րդ), «Սորաններ» դենդրոպարկը...
Այս ամենից բացի մտածել են, որ կառույցի տեղադրությունը զբոսաշրջիկին
հնարավորություն տա մի հայացքով քաղաքն ափի մեջ առնել:
Տավուշ ու հատկապես Բերդ այցելելիս՝ առաջարկում ենք հյուրընկավել Դավիթ Անհաղթի 1 հասցեում, հանգստանալ, էկոտուրիստական նոր ուղղություններ բացահայտել և ինչո՞ւ ոչ՝ ձեզ հետ վերցնել ձեր բաժին Տավուշը:
