«Ի գործ»
Հայաստանի տարբեր անկյուններում բնակվում են կանայք, ովքեր բիզնես գաղափարներ ու յուրօրինակ մտահղացումներ ունեն, բայց դրանց իրագործման համար հաճախ կարիք են զգում որևէ խթանի կամ հնարավորության:
«Ի գործ» ծրագրի շրջանակում այդպիսի տասնյակ կանանց հնարավորություն է ընձեռվել առանց վարանելու կյանքի կոչել սեփական բիզնես գաղափարը, կամ նորովի զարգացնել արդեն իսկ գործող բիզնեսը:
~
Նանե Մկրտչյան
Բիզնես գործունեություն՝ շյուղագործ և հելունագործ աշխատանքներ՝ պատվերով
Վայր՝ Լոռու մարզ, ք.Ալավերդի
Հղում` «Handmade Nanoli»
էլ.հասցե՝ nane84noel10@gmail.com
Հեռ.՝ 041 080731
«Նախասիրությունս դարձավ մասնագիտություն՝
անդադար կատարելագործվելու ձգտումով»
անդադար կատարելագործվելու ձգտումով»
«Գործելը՝ շյուղագործությունը, հելունագործությունը և, առհասարակ, ձեռքի աշխատանքը նախասիրություն է, որը մշտապես հաճույք է պատճառել և՛ ինձ, և՛ նրանց, ում ես նվիրել եմ իմ աշխատանքները: Ժամանակի ընթացքում գործելու նախասիրությունս սկսեց այնքան լցնել իմ առօրյան, որ անկախ ինձնից սկսեցի ավելի խորը ուսումնասիրել այն, ինքնուրույն մասնագիտանալ այս ոլորտում: Եվ ամեն ինչ ինքնըստինքյան ստացվեց»,-ասում է Նանեն:
Նա սկզբում գործում էր իր երեխաների համար: Ձեռագործ աշխատանքները հաճախ պարզապես նվիրում էր նաև հարազատ մարդկանց: «Ի ուրախություն ինձ՝ շրջապատի արձագանքը ոգևորող էր, և կային ցանկացողներ ունենալ նմանատիպ, երբեմն էլ՝ այլ ձեռագործ իրեր: Այստեղից էլ ծագեց միքտը՝ ունենալ սեփական անհատական աշխատանքներ, կատարել պատվերներ, ինչու չէ՝ ապագայում այն դարձնել բիզնես»:
Այժմ Նանեն պատրաստում է գլխարկներ, շարֆեր, ձեռնոցներ, մանկական հագուստ, տան և խոհանոցի պարագաներ, պայուսակներ, տարատեսակ աքսեսուարներ՝ թևնոցներ, մազակալներ, նաև այլ իրեր՝ ըստ պատվիրատուի ցանկության:
Ըստ նրա՝ պատվերներ ընդունելն ունի իր առավելությունները. նախ եկամուտ է ապահովում, մյուս կողմից մարդկանց հետ շփում է ստեղծում, ովքեր պատվերների շրջանակում հետաքրքիր գաղափարներ են տալիս: Իսկ իր համար ամենակարևորը նոր, թարմ և տարբերվող գաղափարներն են:
«Ի գործ» ծրագրի շրջանակում Նանեն ձեռք է բերել իրեն անհրաժեշտ նյութեր, որոնց միջոցով համալրել է «Handmade Nanoli» ապրանքանիշի կողմից առաջարկվող տեսականին՝ ձեռագործ գրչատուփերից մինչև մատի խաղալիքներ, տարատեսակ գլխարկներ, գլխազարդեր, հագուստ:
~
«Ի գործ» ծրագիրն իրականացնում է «Հանրային իրազեկման և մոնիտորինգի կենտրոն» հասարակական կազմակերպությունը՝ ՄԱԿ-ի Զարգացման ծրագրի (UNDP) աջակցությամբ: Այն ուղղված է Ալավերդի և Օձուն համայնքներում ապրող շուրջ երեսուն ինքնազբաղ կանանց բիզնես կարողությունների զարգացմանը, բիզնես նախաձեռնությունների աջակցմանը, կրկնակի ճգնաժամի առաջ բերած սոցիալ-տնտեսական խնդիրների հաղթահարմանն ու տնտեսական կայունության ապահովմանը:
*Սույն մուլտիմեդիա պատմությունը ստեղծվել է վերոնշյալ ծրագրի շրջանակում: Նյութում արտահայտված կարծիքները պատկանում են հեղինակին և պարտադիր չէ, որ համընկնեն ՄԱԿ-ի Զարգացման ծրագրի տեսակետների հետ։
*Սույն մուլտիմեդիա պատմությունը ստեղծվել է վերոնշյալ ծրագրի շրջանակում: Նյութում արտահայտված կարծիքները պատկանում են հեղինակին և պարտադիր չէ, որ համընկնեն ՄԱԿ-ի Զարգացման ծրագրի տեսակետների հետ։
