«Ի գործ» ծրագրի շրջանակում Մանեն մասնակցել է ինչպես բիզնես կարողությունների զարգացման դասընթացների՝ ձեռք բերելով մարքեթինգին, օնլայն վաճառքին վերաբերող գիտելիքներ, այնպես էլ ձեռագործ աշխատանքների պատրաստման վարպետության դասերի:

Ծրագրի իրականացման արդյունքում նա սկսել է օգտվել սոցիալական մեդիայի ընձեռած հնարավորություններից և իր գործունեությունը սկսել է ներկայացնել նաև այդ տիրույթում: Ասում է՝ մինչ այս չի օգտվել օնլայն ռեսուրսներից, դրա փոխարեն իր աշխատանքը կազմակերպել է ծանոթների, ընկերների շրջանում: Բայց կարծում է՝ բիզնեսի կազմակերպման օնլայն եղանակը ավելի օգտակար կլինի իրեն և ծրագրի շրջանակում ձեռք բերած հմտություններն ապագայում միմիայն կօգնեն ընդլայնել աշխատանքային գործունեության սահմանները: