Ռուզաննա Աղվանյան

«Ի գործ»

Հայաստանի տարբեր անկյուններում բնակվում են կանայք, ովքեր բիզնես գաղափարներ ու յուրօրինակ մտահղացումներ ունեն, բայց դրանց իրագործման համար հաճախ կարիք են զգում որևէ խթանի կամ հնարավորության:

«Ի գործ» ծրագրի շրջանակում այդպիսի տասնյակ կանանց հնարավորություն է ընձեռվել առանց վարանելու կյանքի կոչել սեփական բիզնես գաղափարը, կամ նորովի զարգացնել արդեն իսկ գործող բիզնեսը:

Ռուզաննա Աղվանյան

Գործունեություն՝ վարսավիրություն

Վայր՝ Լոռու մարզ, ք.Ալավերդի

Հեռ.՝ 043809002

«Միշտ մտածել եմ վարսավիրություն սովորելու մասին, բայց ինչ-ինչ պատճառներով չի ստացվել մասնագիտական դասընթացների մասնակցել, թեև տնային պայմաններում, ծանոթներիս շրջանում, սիրողական մակարդակում զբաղվում եմ դրանով»,- ասում է Ռուզաննան, որ փորձել է մասնագիտական տարբեր ուղղություններ ուսումնասիրել, և, ի վերջո, ընտրել է վարսավիրությունը:

Նրա խոսքով՝ իր գործունեությանն առավելապես խոչընդոտում է այն, որ վարսավիրության բնագավառում իր հմտությունները հաստատող վկայական չունի, ինչի պատճառով անծանոթ մարդիկ հաճախ խուսափում են օգտվել իր մատուցած վարսավիրական ծառայությունից:

Ռուզաննայի մասնագիտական աճը խթանելու համար «Ի գործ» ծրագրի շրջանակում նրան տրամադրվել է համապատասխան նյութեր ու գործիքներ:

Նա էլ մտադիր է արդեն իսկ զբաղվել վկայականի ձեռք բերմամբ: Հավատացած է՝ այսպիսով մարդկանց մոտ իր կատարած աշխատանքի հանդեպ ավելի մեծ վստահություն կձևավորվի և կսկսեն ավելի մեծ ծավալով օգտվել իր մատուցած ծառայությունից:

«Ի գործ» ծրագիրն իրականացնում է «Հանրային իրազեկման և մոնիտորինգի կենտրոն» հասարակական կազմակերպությունը՝ ՄԱԿ-ի Զարգացման ծրագրի (UNDP) աջակցությամբ: Այն ուղղված է Ալավերդի և Օձուն համայնքներում ապրող շուրջ երեսուն ինքնազբաղ կանանց բիզնես կարողությունների զարգացմանը, բիզնես նախաձեռնությունների աջակցմանը, կրկնակի ճգնաժամի առաջ բերած սոցիալ-տնտեսական խնդիրների հաղթահարմանն ու տնտեսական կայունության ապահովմանը:

*Սույն մուլտիմեդիա պատմությունը ստեղծվել է վերոնշյալ ծրագրի շրջանակում: Նյութում արտահայտված կարծիքները պատկանում են հեղինակին և պարտադիր չէ, որ համընկնեն ՄԱԿ-ի Զարգացման ծրագրի տեսակետների հետ։